مراجعة المستندات
مستندات الكابتن والونش بتتراجع قبل التشغيل، وبنتابع انتهاء صلاحيتها.
الأمان والثقة
الأمان أولًا. بعده السرعة، وبعدهم السعر.
ده الترتيب اللي بنبني عليه كل قرار في inWinch.
إزاي بنحميك
طبقات حماية في كل رحلة.
التحقق من الونش
لوحة الونش بتتقرا مع بداية الوردية عشان نتأكد من الونش.
خصوصية رقمك
رقمك بيظهر مخفي، والتواصل جوه التطبيق.
توثيق الرحلة
صور العربية قبل التحميل وبعده، ومستندات لكل رحلة.
استغاثة
زرار استغاثة للعميل والكابتن، بيوصل لفريق المتابعة.
تقييم بعد كل رحلة
رأيك بيساعدنا نحافظ على مستوى الخدمة.
طول ما رحلتك جوه التطبيق، حقك محفوظ.
الاتفاق برّه التطبيق بيسقط أي حماية.
قبل ما تسلم عربيتك
تلات حاجات تتأكد منها.
- طابق لوحة الونش مع اللي في التطبيق
- لو اللوحة مختلفة، ماتكملش وبلغنا
- راجع صور حالة عربيتك
- خد حاجاتك الشخصية الغالية
خصوصيتك
تواصل آمن جوه التطبيق.
رقمك بيظهر مخفي، والمراسلات جوه التطبيق بتخضع للمراجعة لضمان الجودة وحفظ حق الطرفين عند أي شكوى.
- رقم مخفي
- مرجع وقت الخلاف
التوثيق
5 صور بتحمي الطرفين.
الكابتن بيصور العربية من الأربع اتجاهات قبل التحميل، وصورة خامسة واسعة بعده فيها الونش بلوحته مع العربية.
- 4 صور قبل التحميل
- صورة بعد التحميل
استمرارية الخدمة
لو الونش عطل في السكة.
بيتبعتلك ونش بديل يكمل الرحلة لحد وجهتك. وبتدفع السعر الأصلي المتفق عليه بس، ومفيش سواق يقدر يطلب منك أي فرق.
لو حصل حاجة
بلّغنا، وهنتابع.
طلب منك مبلغ زيادة؟
ارفع شكوى من التطبيق بصورة الإيصال. وبعد المراجعة بيترد لك المبلغ كرصيد ترويجي لرحلتك الجاية.
حسيت بخطر؟
استخدم زرار الاستغاثة في التطبيق، وبيوصل لفريق المتابعة.
بياناتك
بياناتك بأمان.
بنعالج بياناتك الشخصية وفقًا لقانون حماية البيانات الشخصية المصري رقم 151 لسنة 2020، ومش بنبيعها أو نشاركها لأغراض إعلانية. التفاصيل في سياسة الخصوصية.
أسئلة
أسئلة عن الأمان.
رقمي هيظهر للكابتن؟
رقمك بيظهر مخفي، والتواصل بيتم جوه التطبيق.
لو الونش نفسه عطل في السكة؟
بيتبعتلك ونش بديل يكمل الرحلة، وبتدفع السعر الأصلي المتفق عليه بس.
الكابتن ممكن يطلب فلوس زيادة؟
لأ. السعر المتفق عليه شامل رسوم المرور والبوابات. ولو حد طلب منك مبلغ زيادة، ابعت شكوى من التطبيق.
عندك ملاحظة؟
قولنا، وفريقنا هيتابع معاك.